తెలుగోడిపై వడ్డింపులు మొదలు

ఆర్.టి.సి పెంచిన ధరల విషయం గా అందరూ తెగ కంగారు పడుతున్నారు కాని.. ఈమద్య జరిగిన ఉద్యమంలో ఎన్ని బస్సులను తగలేసారో ఎవడన్నా పట్టించుకున్నాడా.. అప్పుడు ఎవరూ ఆర్.టి.సిని పాపం అని కూడా అనలేదు .. లోకంలో ఏ గోల జరిగినా మొదలు నష్టపోయేది ఆర్.టి.సి నే.. ఇందులో సగపాలు మన మూలంగానే జరిగింది అని చెప్పుకోవచ్చు. ఈ ఉద్యమంలో అంత నష్టం లేకపోయి ఉంటే ఇంతగా పెంచి ఉండేవారు కాదేమో.. "ఎవడు చేసిన కర్మ వాడనుభవించక తప్పదు" కదా.. ఈ వడ్డింపుల కార్యక్రమం ఇంతటితో ఆగదు ... మన ప్రబుత్వం పన్నులను పెంచుతుందంట కదా ... ప్రతీ ఒక్కరూ తమ ఖజానా ఎలా నింపాలా అని ఎత్తులు వేసేవారే... ఈ ఆర్.టి.సి పెంపు కారణంగా నిత్యావసర వస్తువులు మొదలు ప్రతీ ఒక్కటి ధరలు పెరుగుతాయ్. వీటి మూలంగా ఎక్కువగా నష్టపొయేది సామాన్య మానవుడే

కొసమెరుపేమిటంటే ఈ పెంపు విషయం మన ముఖ్యమంత్రి రోషయ్య గారికి అస్సలు తెలీదంట.. అంతా అయ్యాక ఇప్పుడు తగ్గింపు దిశగా చర్చలు ప్రారంభిస్తామంటున్నారు.. ఎంతవరకి సఫలం అవుతాయో చుద్దాం..